Aire zabaleko zinema Olarizuko lorategi botanikora itzuliko da abuztuaren 17, 18, 24 eta 25ean “Al Margen del deterioro zinema-zikloa lorategian” ekimeneko 4. edizioarekin. Haz-ek, Laboratorio para el Movimiento Visualek eta CEAk antolatutako zikloa da eta Amaia Zorrillak aukeratutako filmen eta film laburren hautaketa biltzen du. Emanaldiak Olarizuko etxaldeko atarian eskainiko dituzte.

Zikloa dibulgazioko, partaidetzako eta sormeneko ekintzen programan sartuta dago eta horren helburua da ondare fotofilmiko pertsonala berreskuratzea, ikertzea eta berrerabiltzea. Filmen aukeraketa horren bidez, zinemak ingurune naturalaren eraldaketa eta narriadura nola landu izan dituen ezagutarazi nahi da, baina, batez ere, narriaduraren eta birsorkuntzaren arteko oreka mantentzen dituzten beste esku-hartze jasangarriago batzuk erakutsiko dira.

 

Abuztuak 17, 21:30

• HASIERA EKITALDIA.

Beren proposamen artistikoak Lorategian bertan ikusi, sentitu eta esperimentatzeko programara gonbidatutako artisten aurkezpena. Aurten, zinema zabaldu egingo da. Pantailatik aterako da. Urmaela zeharkatuko dugu.

• SAPOVNELA. Otar Iosseliani. SESB. 1959. 18 min

Sapovnelak inork aurkitu ezin duen lorea esan nahi du. Mikhail Mamulashvili lore-saltzaile zaharraren historian zehar musika eta koloreak konbinatzeko Iosselianiren lehen saiakera.

• KOSMOGONIA. Deneb Martos. 40 min.

Planetario baterako diseinatutako film performancea. Zuzeneko proiekzio analogikoa 35mm-tan.Kosmogonia Deneb Martos bisualaren sorkuntza da, bereziki Iruñeko Planetarioko Tornamira aretoan proiektatzeko asmatua, Wade Matthewsek zuzenean inprobisatzen duen soinu-banda batekin.

Filma agertu diren gauzetatik abiatuta egin da. Deneb Martosen lana film sentikorrean materialak zuzenean aplikatzean oinarritzen da, baina teknikaren zati batek zerikusia du, halaber, oharkabean pasa litezkeen edo baztertuak izan daitezkeen elementu batzuetan proiektagarriaren indarra detektatzen jakitearekin.

Jaiotza ibaian aurkitutako kanabera basatizko lumak, Logroñoko mahasti batean bildutako lurra, Madrilgo ura, Logroñoko mahasti bateko mahatsak, ernamuintze-egoera desberdinetako dilistak, Bodhiren zuhaitz baten hostoa, Gata lurmuturreko hondartza batean bildutako sustraiak, bost hilabeteko haurtxo baten aztarnak, ama baten aztarnak, alaba baten aztarnak, berrogeita zortzi urteko gizon baten larrua eta aita baten errautsak.

Lurreko elementu horiekin egin da kosmosari eta materiaren jatorriari, landarediari eta gizakiari buruzko film hau. Hona hemen grabitatzen eta puskatzen duen guztiari lokarria jartzeko ahalegin bat, sorginkeria baten bidez: «Distira, distira, distira eta tintina». Eta galaxiak erantzuten du eta denak dir-dir egiten du eta txin-txin egiten du.

 

Abuztuak 18, 21:30

• IN ICTU OCULI de Greta Alfaro. Iruña. 10’37 min.
• DAS LIED VON DEN ZWEI PFERDEN de Byambasuren Davaa.  Alemania. 2009. 90min.

 

Abuztuak 24, 21:30

• LA SEINE A RENCONTRÉ PARÍS, de Joris Ivens. Frantzia. 1957. 30 min.
• HONDALEA, ABISMO MARINO, de Asier Altuna. Euskadi. 2021. 63 min.

 

Abuztuak 25, 21:30

• Zikloaren amaiera-ekitaldia

Etxaldeko atariko lorategiari eta urmaelari omenaldia egingo zaie horren bidez. Bertan, film laburren aukeraketa bat proiektatuko da.