Burlata Blues Festival 2023 jaialdiaren egitarauaren barruan.

Tori Sparks

Tori Sparks kantautorea bluesaren hirian jaio zen, Chicagon, ondoren Nashvillera joateko. Duela hamarkada bat baino gehiago, Tori Sparks Nashvilletik Bartzelonara joan zen, eta dagoeneko utzi du bere arrastoa adopziozko herrialdean. Bere azken hiru albumak bere estiloen nahasketa harrigarria dira –rocka, bluesa eta gospela– fusio flamenkoarekin. Tori naturaren indarra da eszenatokian, bai klub txiki bateko 100 lagunentzat, bai 30.000 lagunentzat, Suitzako Montreuxeko Jazzaldi ospetsuan bezala.

Trudy Lynn + Steve Krase + Travellin´Brothers

Texasko abeslari eta konpositoreak bederatzi disko sinatu ditu bere ibilbide luzean. 60ko hamarkadaren erdialdean igo zen lehen aldiz agertokietara Albert Collinsen eskutik. Ordutik, munduan zehar ibili da bakarlari gisa, eta ahalik eta gehien emanez kontzertuetan. Beti bezala, ondoan izanen du Steve Krase ezkutari leiala, bere eskuineko eskua, Texasko blues eszenako harmonizistarik baloratuenetako bat, eta hori gutxi balitz, Travellin ‘Brothers taldea, zalantzarik gabe Europako talde onenetakoa, kalitatez eta esperientziaz oso egiaztatua. Ikuskizuna bermatuta dago