Harresietako Jaialdia 2023

Pamplona/Iruña 2023(e)ko abuztuaren 1(e)tik 2023(e)ko abuztuaren 18(e)ra

Itzuli da Harresietako Jaialdia beste urte batez, abuztuaren 1tik 19ra, Ziudadelan eginen den Bost punta izeneko zirku, dantza eta musika emanaldiekin, abuztuaren 1tik 17ra (astearte, asteazken eta ostegunetan), 20:00etan, Iruña Ilunabarrean programarekin, O-ko Andre Mariaren Plazara bueltan 4, 11 eta 18an (ostiralak), 20:00etan, Dantza zoroan hiri-dantza jaialdiarekin, Barbazán ingurabidean 5, 12 eta 19an (larunbatak), 20:00etan eta Malditos Night, Jito Alai frontoia. 5, 12 eta 19an (larunbatak), 22:00etan. Sarrera librea izanen da, iritsitako hurrenkeraren arabera, lekuak bete arte.

Cinco Puntas-Bost punta jaialdiak 2023ko Harresietako Jaialdia inauguratuko du Ziudadelan, abuztuaren 1an, asteartearekin, 20:00etan. Hilabete batez dantza- eta zirku-ikuskizunen agertoki bihurtuko da. Emanaldiak asteartetik ostegunera izanen dira, 20:00etan, Ziudadelako agertokietan, abuztuaren 18ra bitarte.

Atardecer Pamplona-Iruña Ilunabarrean programa, beste urte batez, O-ko Andre Maria plazan eginen da, abuztuaren 4, 11 eta 18an (ostiralak), 20:00etan, teknologia, artea eta energia berriztagarriak uztartzen dituzten ikuskizunekin. Zientzia arte-adierazpen nagusi gisa, gozatzeko tokirik onenean: hiriko udako ilunabarretan. Programazio hau conCienciArte-rekin elkarlanean garatu da.

Danzad danzad malditos-VIII. Dantza zoroan Jaialdia aurten Barbazán ingurabidean eginen da eta dantzaren ibilbidea Zaldi Zuriaren zokotik Jito Alai frontoiraino izanen da, harresitutako zokoetan barna, eta Espainiako zein nazioarteko dantza-taldeak arituko dira abuztuaren 5, 12 eta 19an (larunbatak). Egun horietako bakoitzean 20:00etik aurrera, hiru dantza-emanaldiz gozatzen ahalko dugu, eta parkour-talde bat piezak elkarri lotzen arituko da. Jaialdi hau duela 7 urtetik hona egiten da, Carmen Larraz dantzari eta koreografoaren koordinazio-lanari esker.

Malditos Night. Jito Alai frontoia. Abuztuak 5, 12 eta 19 larunbatak. 22:00etan. ‘Danzad, danzad malditos’ dantza jaialdiaren edizio honetan nobedade bat aurkezten da. Eguzkia sartzen denean eta ohiko emanaldien ostean, dantzarako gune berri bat irekiko da publikoarentzat, aurreko dantza-piezak kontenplatu ondoren, dantza, dantza eta gorputz-mugimenduaren bitartez musika elektronikorik onenarekin parte hartu eta elkarreragin ahal izateko. .
Gauero, artista gonbidatu batek zuzeneko musika elektronikoko saio bat eskainiko du jaialdiko DJ egoiliarrarekin. Malditos Night abangoardiako musika elektronikoa da, dantzaren bidez mugimendua adierazteko baliabide gisa. Publikoa protagonista izango da ad hoc sortutako espazio batean, dantza-musika elektronikoaren arteko elkarrekintzaren bidez, egunero bi talde ezberdinekin.