Festikale 2023ren egitarauaren barruan.

Títeres Cachirulo

Cachirulo 1985ean sortu zen, eta testu klasikoak eta askotariko teknikak erabiltzen dituzten autoreak nahasten dituen ikuskizun-ekoizpen oparoak ditu: hari-txotxongiloak, eskularru txinatarra, bunraku, giñola, itzalak, objektuak eta kale-antzerkia. Bere obrek Europa eta Amerikako nazioarteko programazio eta jaialdi ugariren eszenatokiak bisitatu dituzte eta sari garrantzitsuak lortu dituzte.

Cachimóvil

Cachi-Móvil barraka ibiltaria da, eta honako ikuskizun hauetako edozein antzez daiteke bertan: Herensugearen burua: verdemar printzea bere etxetik bidali dute eta, iratxo bihurri baten laguntzarekin, bidelapurren eta Mikomikon erregearen alaba preso hartuta duen herensuge beldurgarriaren aurka borrokatu beharko da etxera garaile itzuli ahal izateko. Abentura-bidea: Xan Laranxalek eta Kiku makakitak duela bostehun urte hasitako abentura handi hau aurkeztuko dute. Bideko txoko batean, Gaiferosek deabrua aurkitu eta honek Oka Jokorako erronka bota zionean hasitakoa. Erromesak zortea izan zuen dadoekin eta partida irabazi zion infernukoari. Infernukoa zentzugabekeriak eta sorginkeriak egiten aritu zen hura gelditu nahian. Izar-eremua: Teodoro eta Atanasio, Done Jakue apostoluaren ikasleen abentura apartak kontatzen dituen ikuskizuna da, hain zuzen ere, apostoluaren gorpua Jerusalemetik Compostelara zeramaten bitartean gertatutako abenturak. Mediterraneo itsasoko munstroen aurka borrokatuko dira eta ekaitz gogorrak zeharkatuko dituzte, Erromako soldaduak zain dituzten Galiziako itsasadar bareetara iritsi arte...