Udako kontzertuak ROOF Euskalduna Terrazan, Bilboko Kongresu eta Musika Jauregiaren zazpigarren solairuan. Zuzeneko eta aire zabaleko musika igande honetan, uztailak 9, 13:00etatik 14:00etara, oraingo honetan Garry-ren emanaldiarekin.

Triple Zero Band taldeko abeslari eta gitarrista izango da ROOF Euskalduna Terrazan aire zabalean egingo diren kanpoaldeko emanaldien zikloari hasiera emango diona, terraza paregabe honetan eta 360º-ko panoramikarekin. Artista bilbotarrak Rock, Blues, Soul eta Country abestiz betetako errepertorioa jorratuko du formatu akustikoan eta bere kutsu pertsonala emanez.