Ekainaren 10ean Pierre Loti idazlea hil zela 100 urte betetzen dira. Denboraldi batez Hendaian bizi izan zen, eta bere idatzietan behin baino gehiagotan Hondarribiko deskribapenak egin zituen. Hori dela eta, Hondarribiko Uda Liburutegiak aurten bere obra gogoratu nahi du eta jarduera honi hasiera emateko, ekainaren 10ean, eguerdiko 12:00etan, irakurraldi publikoa egingo dugu Hondarribian dagoen Pierre Lotiren txokoan (Puntalea).

Irakurraldian parte hartu nahi duenak liburutegian bertan izena eman dezake, deituz (943111285), emailez (liburutegia@hondarribia.eus) edota wasapa bidali (688860846) aste honetako ostirala (ekainaren 2a) baino lehen.