Bizkaiko Foru Aldundiak La Encartada Moda ekitaldiaren edizio berria jarri du abian, Alberto Sinpatronek koordinatuta. Ekitaldi honen ardatza moda jasangarria da eta programazioan  desfileak, erakusketak, proiekzioak eta Basque BioDesign Centerrek emango dituen tailerrak dira.

La Encartada Moda 2023 ekainaren 9an eta 10ean egingo da sei desfilerekin. Desfile horietan Pablo Gangoiti Berrizbeitia, Aiza Couture, Rovel, Krizia Robustella, Álvaro Valcárcel edo Repartoren diseinuak ikusi ahal izango dira. Industria-ondarearen erreferente izatea ezaugarri duen pasarela da eta modeloek La Encartada fabrika-museoan mende bat baino gehiagoko historia duen makineriaren inguruan desfilatuko dute.

Modaren bi jardunaldiek upcycling tailerrak ere eskainiko dituzte, hondakin industrialez egingo den eskuko poltsa egiten ikasiz (Sin Perperdicio-ko, Emaús Fundación Social,  Iban Bujánek emango du tailerra); era berean, tailer hauetan erabiltzen ditugun, janzten ditugun eta dauzkagun gauzak egiteko prozesuekin berriz konektatzeko aukera izango dugu, horien balioa ulertzeko, kasu honetan Therapy Recycle-ko Mariángeles Aguirreren eskutik. Gainera, Basque BioDesign Centerreko Adele Orcajada, Olatz Pereda eta Eduardo Loretoren eskutik biomaterialen, ehungintzako hondakinen, egitura modularren eta egitura infinituen tailerrak eskainiko dira.

Aldi berean modaren ekitaldi honetara bertaratzen diren pertsonek Aiza Couture ehun-instalazioaz eta "El Cruce entre Upcycling y Biodiseño: 5 técnicas Clave - Upcycling eta Biodiseinuaren arteko bidegurutzea: 5 teknika giltzarri" erakusketaz gozatu ahal izango dute Basque BioDesign Centerren eskutik. Erakusketa honetan Upcycling teknikak erakutsiko dira bisitariek uler dezaten  nola eman dakiekeen bizitza berria dagoeneko erabili nahi ez ditugun jantziei biodiseinu-prozesuak erabiliz (ikus daitezkeen adabakiak, Patchworka, kustomizazio digitala, Bio kustomizazioa, mizelio-parpaila, kristalizazioa eta Zero Waste bezalako teknikak).

La Encartada Modan, beste alde batetik, biodiseinuari eta 80 eta 90eko hamarkadetako Paco Claveli buruzko proiekzioak eskainiko dira,

Gainera mahai-inguru bat egingo da ostiralean Upcyling & Recyclinga Moda Jasangarri baterantz gaiari buruz; hizlariak Therapy Recycle and exorcise-ren sortzaileetakoa den Maríangeles Aguirre,  Iban Bujan (Sin Desperdicio, Emaus Gizarte Fundazioa) eta Mari Luz Ferro (Kooperako koordinatzaile nagusia) izango dira. Recyclingean ez bezala, upcyclinga sormenean oinarritutako birziklatze-prozesua da, eta bertan forma edo erabilera berria ematen zaie jada erabiltzen ez diren eta ziurrenik botatzeko izaten diren objektuei.

Bestalde larunbatean topaketa bat egingo da Daniel Lismore-rekin, Londresen bizi den queer artista britainiar ezagunarekin. Bere burua eskultura bizidun gisa definitzen du eta bere gorputza egunero sortzeko mihise gisa erabiltzen du.

La Encartada Moda ekitaldian adin guztietako pertsonek bi egunez gozatzeko aukera izango dute, hainbat jarduerarekin. Ingurua aparta da eta 22:00ak arte iraungo duten jardunaldietan  jateko eta gozatzeko aukera izango da. Ostiralean, Felix Daniel DJak jarriko du musika eta Paco Clavel artista ezagunak DJ lanak burutuko ditu larunbatean, ekainaren 10ean, ekitaldiari amaiera  emanez.

Programazioa www.laencartadamoda.eus webgunean kontsulta daiteke eta aldez aurretik izena eman behar da ekitaldira joateko. Jarduera guztiak doakoak dira. Autobusak jarriko dira Bilbotik eta Balmasedatik la Encartada Moda joateko.