Ekitaldiak

"20.000 especies de abejas" (estreinaldia)

Vitoria-Gasteiz 2023(e)ko Apirilak 21
  • "20.000 especies de abejas" (estreinaldia)

Apirilaren 21ean, iritsiko da zinema aretoetara 20.000 especies de abejas, Estibaliz Urresolaren lehenengo film luzea. Berlinalen aktore onenaren saria (Sofia Otero) eta Malagan film onenaren eta antzeztaldeko emakumezko aktore onenaren (Patricia Lopez Arnaiz) sariak jaso zituen.

Cocó, zortzi urtekoa, ez da moldatzen besteek berarengandik espero dutenaren aurrean, eta ez du ulertzen zergatik. Bere inguruko guztiek Aitor deitzen diote behin eta berriz, baina ez du bere burua izen horretan ezagutzen. Amak, Anek, oporrak aprobetxatuko ditu hiru seme-alabekin bere amaren etxera joateko. Bertan bizi dira Lita ama eta Lourdes izeba, erleen hazkuntzan murgildua.

Beren bizitzak aldatuko dituen uda honek beren zalantzei eta beldurrei aurre egitera behartuko ditu hiru belaunaldi oso desberdinetako emakume horiek.

  • Zuzendaritza: Estibaliz Urresola Solaguren.
  • Ekoizpena: Lara Izagirre Garizurieta, Valérie Delpierre / Gariza Films, Inicia Films.
  • Ekoizpen elkartua: Sirimiri Films.
  • Gidoia: Estibaliz Urresola Solaguren.
  • Argazkia: Gina Ferrer García.
  • Muntaketa: Raúl Barreras.
  • Aktoreak: Sofía Otero, Patricia López Arnaiz, Ane Gabarain, Itziar Lazkano, Martxelo Rubio, Sara Cózar, Unax Hayden, Andere Garabieta, Miguel Garcés.


Laburrean

Non