ICmedia Euskadi elkarteak 'El Club de los Poetas Muertos’ (Dead Poets Society, P. Weir, 1989:124’) film amerikarra proiektatuko du. Doako emanaldia bada ere, cineforumbilbao@icmediaeuskadi.es-en tokia hartu behar da.

Ingalaterra Berriko ikastetxe pribatu, elitista eta hertsi batean, ikastalde batek poesia, carpe diem-en esanahia eta ametsak lortzeko borrokatzearen garrantzia ezagutuko ditu, Keating Jaunari (Robin Williams) esker. Irakasle xelebre horrek metodo ez konbentzionalen bidez esnatuko ditu euren buruak.