Egin al duzue inoiz amets lanpara liluragarri bat aurkitu eta hiru desio eskaintzeko gauza den jeinua topatzearekin? Pentsatu al duzue zer eskatuko zenuketen? Nur, istorio honetako protagonistak, desio bakar bat dauka gogoan: ama sendatzea. Jeinu zoragarriak aberastasuna, edertasuna, ahalmena edo ospea soilik eskain diezaioke. Neskatoak, baina, ez du jeinuak eskaintzen dizkion aukera horietatik bat bera ere nahi, eta horrek eramango gaitu lanparak ezertarako balio ote duen hausnartzera. Ikuskizuna desioez, onarpenaz eta bizitzak dakartzagun zailtasunak gainditzeko gauza den maitasunaz mintzo zaigu. 2022ko Arte Eszenikoen Max Sarietarako hautagaia; haurrentzako, gazteentzako edo familientzako ikuskizun onenaren sailean.