Otsailaren 27an eta 28an, Ekialde institutuko Batxilergo Artistikoko ikasleek egindako artelanak biltzen dituzten erakusketak inauguratu dira Araneko eta Txagorritxuko BIZAN zentroetan.

Erakusketak martxoaren 1etik 15era bitartean egongo dira ikusgai, bi zentro horiek zabalik dauden orduetan.

Institutuko Batxilergo Artistikoko ikasleekin eta Bizan sareko arte-lantegietan parte hartzen duten pertsonekin egindako belaunaldi arteko sorkuntza-proiektu baten barruan prestatu da erakusketa. Haien arteko harremanak inspirazio-iturri izan dira gazteentzat beren lanak sortzean, aurreko topaketetan lotura izan duten adineko bakoitzarentzat pertsonalizatu baitituzte.