Urtarrilaren 7an, Larunbat musikalak itzuliko dira. Formatu txikiko kontzertu eta ekitaldien ziklo horretan, antzinako musikaren, musika klasikoaren, garaikidearen eta zarzuelaren errepertorioak izaten dira, bai eta beste kultura batzuetako musika ibilbideak ere. Agertoki nagusia Arte Ederren Museoa izaten da, baina ez bakarra. 2023an, Larunbat musikalak programa urtean 10 kontzerturen formatura itzuliko da (kontzertu bat hilean, udan izan ezik).  

Horregatik, Ana del Val Kultura eta Kirol Saileko foru diputatuak 2023rako programazioa aurkeztu du gaur. Diputatuaren arabera, “programazioa, aurten ere, askotarikoa izango da, eta bultzada berezia emango zaie gazteei eta emakumeei, eta ikus-entzuleek programazioan eragiteko eta iritzia emateko aukera izango dute. Soinu eskaintza ezberdin bat izango da, azken finean”.

Izan ere, ziklo honetan bertako artista ugarik hartu ohi dute parte, baina beti dago irekita Euskadiko eta Espainiako beste leku batzuetako interpreteen talentuari eta garapenari. Edizio honetan, bere garaian iragarritakoa betez, sailak duela 20 urte baino gehiagotik antolatzen dituen beka artistikoen laguntza jaso duten hainbat pertsonak hartuko dute parte.

Gainera, martxoan eta azaroan emakume taldeen aldeko apustua egingo da, eta ez kasualitatez; izan ere, hil horiek sinbolikoki biziki bereziak eta esanguratsuak dira borroka feministari dagokionez.

Programaren azken proposamenari dagokionez, ikus-entzuleek programazioa aukeratu ahal izango dute aldez aurretik, “pianoa nahierara” izeneko apustu berritzaileari esker.   

PROGRAMAZIOA