Iago Azkueren (Azpeitia, 2003) atzean ezkutatzen da Iagomago, edo, agian, alderantziz. Serendipia du izena mago azpeitiarraren azken ikuskizunak. “Serendipia pandemia garaiotan sortutako ikuskizuna da. Pandemia iritsi aurretik beste proiektu bat genuen, baina koronabirusa tarteko atzean gelditu zen. Itxialdian eta pandemia garaian sortutako eta ikasitako ilusio-jolasekin osatu genuen Serendipia ikuskizuna. Ordubete inguruko emanaldia da, haurrei nahiz helduei zuzendutakoa.”