Gasteizko 2022-2023ko Gabonetako kultur egitarauaren barruan.

Gabonetako azokak, Independentzia kalean eta Urrezko Zeledonen plazan, bertako zein kanpoko artisauen 35 saltoki biltzen ditu.

Artisau-produktuen eskaintza zabalak opari bereziak erosteko bide ematen du: zeramika, kosmetika naturala, musika tresnen irudiak, larruzko artisautza, zilarrezko bitxiak eta harri erdibitxiak, birziklatutako Indiako sarietatik datozen zapiak, dekorazio-objektuak, haurrentzako jolasak eta abar.

Ordutegia
Salmentarako ohiko ordutegia hauxe izango da: 10:30etik 14:30era eta 17:00etatik 21:30era, salbuespen hauekin:

• Abenduaren 24an eta 31n 21:00etan itxiko da.
• Urtarrilaren 1ean ez da goizean irekiko.
• Urtarrilaren 5ean ez da eguerdian itxiko.

Kokapena
Independentzia kalean eta Urrezko Celedonen plazan.