Arriaga antzokiak bi bakarlari handi hartuko ditu: Martina Serafin sopranoa eta Andreas Schager tenorra. Bi ahots horiek ohikoak dira Vienako Operan eta lirikaren eta operaren Europako etxe handietan. Emanaldi honetan, Ruben Fdez. Aguirrerekin partekatuko dute eszenatokia. Aguirrek joan den denboraldian egin zuen debuta piano-laguntzaile gisa Vienako Staatsoper opera-aretoan. Elkarrekin Opereta, una noche en Viena izeneko kontzertua eskainiko dute, Johann Strauss, Franz Lehar eta beste musikari bikain batzuen konposizioak barne hartzen dituen programa batekin.