Iruñeko 72-22 Topaketen barruan. 

Là bi gizakiren eta bele baten obra da, Zirku Berriaren xarmaren adierazpena. Zirkuko ikuskizun tradizionaletatik urrunduta, poesia, koreografia, musika, antzerkia eta Baró d’Evelen hizkuntzaren zuri-beltzeko estetika uztartzen ditu. “Zer geratzen da dena ezabatu denean? Zuria, dudarik gabe. Eta oraindik txiki-txiki egin beharko dugun hori, izendatzaile komunetan txikienera iristeko. Kosta ahala kosta. Joaten dena joaten dela ere. Bai sorginkeriagatik eta bidaiagatik, bai pozagatik.” Baró d’Evelek hitz horiek erabili ditu Là aurkezteko. Ikuskizun koral bat, hiru ahotsetara: bi gizaki eta Gus belea, dantza sentikor eta poetiko bitxi batean murgilduta. Obraren sortzaileen esanetan, “Là-ren hasieran keinurik funtsezkoena legoke: bi gorputz, bi genero, bi kolore, bi dimentsio, bi erresuma, bakardade bera, behin eta berriz datorren desira temati bera. Besteari norbera eraldatzen uzteko gogo sakona, norbera beste leku batera eramaten uzteko gogo sakona. Asaldatzen edo lekuz aldatzen dena bakarrik existituko balitz bezala”.