Sestaoko Jaiak 2022: egitarauaren barruan:

CAMELA taldearen KONTZERTUA Mª Angeles Muñozek eta Dionisio Martinek osatzen duten bikote honek, publikoaren bultzadari esker, arrakasta handia izan zuen laurogeita hamarreko hamarkadan; eta, dagoeneko, 26 urteko ibilbidearen ostean, grabazio berri eta bildumak barne 31 disko argitaratu eta 2.000 kontzertu baino gehiago eman ondoren, Espainiako musikaren historiaren parte dira. Gaur egun, ospea eta itzala lortua du musikaren munduan eta, milioika disko salduta, herri-auzoetako soinu-banda gisa loratu da. Sestaon, “Rebobinando” bilduma-albumeko abestiez gain, haien betiko arrakastak eta “Ella es” kantuaren gisako sorkuntza berriak ere aurkeztuko dituzte.