Bere obra zabala dozena bat herrialdetan itzuli dute, eta sariak jaso ditu Espainian eta atzerrian, besteak beste, 2008ko Komikiaren Sari Nazionala, atzerriko lan onenaren Eisner 2020 saria eta 2021eko Arte Ederretako Merezimenduaren Urrezko Domina.

Izaera autobiografiko nabarmena duen lan honetan, hiru anai-arreba dira protagonistak, aita hil eta urtebetera familiaren etxera itzuliak, koskortu ziren etxea saltzeko asmoz. Urteen poderioz, etxea jabearen bizitzaren lekuko mutua bihurtu da, eta, zoko eta izkina bakoitzean, aitak atzean utzitako oroitzapenak aurkitzen dituzte, beren haurtzaroaren eta bizitzaren oroimenarekin batera. Itxura engainagarri xumearekin eta fintasunez beteriko narratibarekin, Paco Rocak modu hunkigarrian hitz egiten digu denboraren igarotzeaz eta agurraren saminaz.