Bartzelonako Institut del Teatre-ko graduondoko ikasketei lotutako dantza-konpainia gazte bat da IT Dansa. Talentu handiko nazioarteko 18 dantzari gaztek osatzen dute; entzunaldietan hautatu, eta bi urteko beka ematen zaie, teknika hobetzeko eta profesionalki prestatzeko. Bi urte horietan, irakasle eta koreografo ospetsuekin lan egiten dute. Antzoki- eta jaialdi-sare zabal batean ere eskaintzen dituzte emanaldiak. Bultzada ikaragarria jasotzen dute prestakuntza horri esker: dantzari gazte horien bostetik lau berehalakoan sartzen dira konpainia profesionalen batean, IT Dansatik ateratzean.

Nederland Dans Theater-en dantzari aritu ondoren, eta gero Nacho Duatorekin —haren musa izan baitzen hainbat urtez, konpainia zuzentzen hasi zen Catherine Allard, 1997an, sortu orduko. Nortasuna garatzen laguntzen die dantzariei, mugimendua menperatzen eta espazioan beren gorputzaren kontzientzia hartzen.

Egitaraua

THE PROM

• Koreografia: Lorena Nogal
• MúsiKa: Petern Skellern, Hans-Peter Lindstrøm, Perfume Genius
• Konposaketa: Manuel Rodríguez

WAD RAS

• Koreografia: Montse Sánchez, Ramón Baeza
• Musika: Antonio Martinez Ñoño
• Perkusioa: Nan Mercader

Atsedena

LO QUE NO SE VE

• Koreografia: Gustavo Ramírez Sansano
• Musika: Franz Schubert

KAAASH

• Koreografia: Akram Khan
• Musika: Nitin Sawhney

• Dantza abonamendua
• 21/15 euro
• Deskontuak: ohikoak