Civivoxetako jarduerak (2022ko apirila eta maiatza)

PIZTUTA! EUSKAL KULTUR BEGIRADA. HAUR JARDUERAK. ERREKA MARI

Erreka Mari euskal mitologiako lamietan oinarritutako elezahar bat da. Xamurtasunez kontatzen du zer-nolako nekeak pasatzen dituen Erreka Mari izeneko lamiak, bestelakoa izateagatik. Lana maitasunaz, ingurunea zaintzeaz eta gainerako gizakiak errespetatzeaz mintzo zaigu.

Ixiar Jauregi eta Lara Mitxelenaren txalapartak lagunduko du istorioa, unerik zirraragarrienak nabarmenduz.

Txotxongillo Taldeak gehien antzeztu duen istorioa da Erreka Mari. Taldeak, izan ere, bere 50. urtemuga ospatu du 2021ean, hau da, 1971z geroztik ari da euskarazko txotxongilo saioak ematen.

3 urtetik +, heldu batek lagunduta.