‘Geuria! Igandeak!’ izena du San Mames inguruan aisialdirako alternatiba bat eskaini nahi duen Athletic Cluben ekimen berriak. Igandeetan izango diren goizeko kontzertuen zikloa da, Geuria! kirol tabernan, 13. atearen ondoan.

Micky & The Buzz talde bilbotarrak emango dio hasiera igande honetan, Athleticen eta Osasunaren arteko norgehiagokaren atarian. 13:00etatik aurrera, dibertsioa, dantza eta rock & roll klasikoena ziurtatuta daude. Sarreren prezioa 10 €koa izango da aldez aurretik eta 12 €koa leihatilan.