‘El Selu. El Musical’ ikuskizunarekin, José Luis García Cossíok beste berrikuntza bat egin du, inauteriak oinarri hartuta, musikaren, eszenografiaren eta libretoaren beraren bidez bere hastapenetako antzezpenera hurbiltzen gaituen bidaia bat abiatzeko. Umorezko edukiak eskatzen dituzten ikus-entzule berriengana iristeko asmoz, Manu Sánchezek eta 16 Escalones taldeak ekoitzi duten ikuskizun hau, Cadizko inauterietan oinarritzen da hein handi batean, baina antzerkiaren postulatuetatik abiatuta.

Azken 30 urte hauetan zehar ‘El Selu’-ren Txirigotaren unibertso partikularra osatu duten pertsonaia guztiak, eta hainbat belaunaldiren iruditeria kolektiboaren parte direnak, azken batean, trama komun batean antolatzen dira; kostunbrismorik garratzenetik hasi eta gaurkotasun sutsuraino. Horrela, ‘El Selu. El Musical’ musikalean, baliteke Mari Lolirekin maiteminduta dagoen makal batek bankari bihozgabe batekin topo egitea, beren bizitzak berbideratzen saiatuko dena; edo maruja batek, bere egunerokoan, senarraren falta sumatzea, “nire emazteak esaten duena” dioen galtzandia, postu batetik bestera noraezean dabilena mihia kanpoan duela... Horiek dira ‘El Selu’-ren obran zehar agertuko diren pertsonaietako batzuk, Juan edo La Pepi bezala.

‘El Selu. El Musical’ ikuskizuna apurtzailea da Inauteri Elkarteen Lehiaketa Ofizialaren arauei jaramon egiteak dakarren mugatzea hausten duelako, izan ere, arau horiek musika-akonpainamendu hauek bakarrik ezartzen dituzte: gitarra, bonboa, kaxa eta kanabera-txilibitua edo mirlitoia. Ikuskizun berritzaile honek instrumentu berrien aldeko apustua egiten du; lehen aldiz, jazz, tango, swing edo flamenko erritmoan nahasten dituzten aurkezpenak, kupleak, pasodobleak eta popurriak gozatzeko aukera emateko.

Iraupena: 100 min.(atsedenaldirik gabe)