Juan Manuel Díaz de Guereñuk gaztelaniaz zuzendutako solasaldian, Peter Pontiac (Beverwijk, 1951) komikigile eta ilustratzaile holandarraren Kraut (Fulgencio Pimentel, 2020) lana izango da hizketarako gaia.

Kraut lanean autoreak gutun ilustratu baten modura bere aitaren biografia bat idazten du, Joop Pollmann, katoliko sutsu, SS nazietan bolondres, gerra kazetari ekialdeko frontean eta ondoren prentsa arrosan aritutakoa eta azkenik Daabooi badian, Curazao, Antilla holandarrak, desagertutakoa. Gutun bat non autoreak bere aitaren iragan faxistazalea gaitzesten duen baina aldi berean ulertzen eta adiskidetzen saiatzen den.