Giovanni Mirabassi jazzeko piano jotzaile eta konpositore autodidakta italiar bat da. 1992an, Parisen jarri zen bizitzen, eta han laster bereganatu zuen Aldo Ciccoliniren arreta, zeinak bere babespean hartu baitzuen. 1998an, Architectures album goraipatua atera zuen, eta ondoren beste zenbait obra, denak ere sona handikoak. (((Air))) lanari esker, Glenn Ferris eta Flavio Boltrorekin batera egina, Prix du meilleur disque de l'année, caégorie internationale saria jaso zuen, Django Reinhardt Akademiak emana. Etengabe ari da soinu berrien bila, eta album guztiak goraipatu izan dizkio kritikak. Piano jotzaile gisa, arrasto nabarmena utzi du nazioartean.