Senak aginduta etorri ziren bisitan izurdeak euskal kostaldera maiatza hasieran, justu Urdangarin lan berria Izango zenarekin aurrera egin ala ez zalantzan zebilenean.

Berak ere senari kasu egitea erabaki eta aurki labetik aterako den kantu sorta berriari heldu zion irmo. Ebokazioz beteriko lana, orain arte ibili gabeko paisaiek koloreztatua, gertuko galeren argia daramana bere baitan.

Izurdeen lekua, laster denon eskura, piztiek sortu ziguten harridura bera zornotzarrak ere piztuko digulakoan.

“Itsasargiak bailiran hor azaldu ziren izurdeak

hor bihotz oneko piratak, marmoka erraldoiak, kantu zaharretako baleak

killak ur azpian ta belak aidean izurdeak”.

Musikariak:

• Mikel Urdangarin, (Ahotsa)
• Koldo Uriarte (Teklatuak)
• Rafa Rueda (Gitarrak)
• Nika Bitchiashvili (Biolina)
• Jon Cañaveras (Baxua)
• Ander Hurtado de Saracho (Bateria)