Mexikoko eszena musikala erabateko eferbeszentzian dago. Jenny Suarez gaztea, Bratty bezala ezagunagoa, adibide ezin hobea da. Sinaloako probintziako Culiacán herrian jaioa, nerabe bat zela hasi zen kontzertua akustikoak eskaintzen hobby moduan baina berehala ikusi zen abeslariaren talentua oso serioa zela. Lehen EP-a, Todo está cambiando (2018) izenekoa, bere logelan grabatu zuen eta abesti handi, jostari bezain sakonak sortzeko zuen gaitasuna azaleratu zuen. Publikoaren eta prentsa espezializatuaren arreta – anglosaxoiarena ere bai – azkar piztu zuen eta Ed Maverick edo Carlos Sadness bezalako artistekin kolaborazioak egin zituen. Delusion (2020) lanaren zortzi abestiek eta, azkenik, bere lehen disko luzeak, tdbn (2021), argi uzten dute etorkizun handiko artista sendo baten aurrean gaudela.