2014an, aurkezpen, tailer eta ekitaldi publikoen artean ezagutu zuten elkar Ladamako kideek, OnBeat programa ospetsuan zehar bira bat egiten ari zirela. Amerikar kontinenteko herrialde eta kultura desberdinetatik datozen instrumentalista bertutetsu eta hezitzaileak dira Mafer Bandola (Venezuela), Lara Klaus (Brasil), Daniela Serna (Kolonbia) eta Sara Lucas (Estatu Batuak), beraien zuzeneko eklektikoetan komunitateak maila globalean sozialki inplikatzen dituzte, egonaldi eta tailerren bidez. Ladama, 2017an argitaratutako diskoa bandaren debut ezin egokiagoa izan zen; gaur egun, Latinoamerikak eta Estatu Batuek mugak gainditu eta arauak desafiatzen dituzten proiektuak behar dituzte, eta horixe da, hain zuzen ere, Brasilen, Kolonbian, Venezuelan eta New Yorken zehar egindako debuta. Abestiak talde osoak konposatu ditu, taldearen soinu liluragarrien nahasketa bakarrarekin bikain konbinatutako erritmo panamerikar tradizionalen berrikusketa berri bat eskainiz. Hego Amerikako eta Karibeko estiloak irudikatzen dituzte, hala nola cumbia, marakatua, nueva onda eta joropo, soul, R&B eta pop estiloekin nahastuz eta soinu propioa sortuz. 'Oye mujer', bere bigarren diskoa 2020ko ekainean kaleratu zuten. Lan hau munduko emakumeei zuzendutako benetako adierazpen eta gizateriari egindako deia da. Gaztelaniaz, portugesez eta ingelesez abestutako abestien bilduma, gizakiaren bizipen pertsonalak krisi globalen, aurrekaririk gabeko klima-suntsiketaren eta immigrazioaren erdian bideratzen dituena. Lan berri hau musika eta konposizio batasun perfekturantz pauso ausarta da; orain, 'Dama' bakoitzak bere txanda hartzen du abeslari nagusi bezala, besteek instrumentista eta konpontzaile bezala babesten duten bitartean. Atlantikaldiaren oholtzan Euskal Herriko ahots esanguratsuenetako bat izango dute gonbidatu bezala, Olatz Salvador alegia.

Ladamak, gainera, Emakumeen Etxearekin elkarlanean, Errenteriako Batukada Feminista Taldeari perkusio tailerrra eskainiko dio. Bertan landutako doinuak ere eszenatokira igoko dituzte Lekuona Fabrikan eskainiko duten kontzertuan.