Zenbat ordu ematen ditugu serie bateko kapituluek harrapatuta? Zein dira gure telesail gogokoenak ikusteko gehien erabiltzen diren platadormak? Netflix, HBO…

Iban Garciak Yunimat aktorea, Ainhoa Larrañaga aktore eta kantaria eta Izaskun Arandia euskal gidoilari, zuzendari eta ekoizlea hartuko ditu Kutxa Kultur-en. Guztion artean, serieen fenomenoa aztertuko dugu, ikuspuntu desberdinak partekatuko ditugu, eta artista horien esperientzia profesionala entzuteko aukera izango dugu, gehien kezkatzen gaituen horretan sakontzen laguntzeko.

Amaitzeko, Ainhoa Larrañagaren eta Julen eibartarraren Showcase akustikoak entzun ahal izango ditugu.

Partaidetzazko hitzaldia, Gipuzkoako #izanezberdin nerabeen arteko topaleku eta eztabaidagune bihurtuko duena Kutxa Kultur Plaza.