FestiKale 2021 programaren baitan.

Melodías de ultramar

“Melodías de Ultramar” gure azken diskoa da. Disko horretan, zorionez, gonbidatu hauek izan ditugu: Miguel Rodrigañez, Nacho Mastretta, Marina Sorín, Pablo Navarro, Martin Bruhn, Pablo Martín, David Herrington, Osvi Grecco, Josete Ordoñez, Javier Ruibal eta Carmen París. Fetén melodietan barrena egindako bidaia da, Carlos Rayaren laguntzarekin grabazioan eta produkzioan. Ezin zoriontsuago egon!

Programa didaktikoen eta Mexikon eskainitako 10 kontzertuen ondoren, 2019an, penintsulako txoko askotara eraman gintuen Melodías de ultramar izeneko birarekin jarraitu genuen. Atzerrirako hainbat bidaia gehitu ziren gure Fetén agendan urte horretarako: Austria, Portugal eta Danimarka. Gure Melodías de ultramar leku guztietara eramateko energia eta gogoa!

Fetén Fetén

Fetén Fetén Jorge Arribasen eta Diego Galazen musika-proiektua baino askoz gehiago da, arimaren hizkuntza da harmonia bihurtuta. Taldearen lehen konpasak 2009an entzun ziren, Burgosko musikariek beren eragin eta oroitzapenei soinu-banda jartzeko premiatik sortuta.2009an sortu zenetik, bikoteak “Fetén Fetén” (2011) eta “Bailables” (2014) albumak ekoitzi ditu mikromezenasgoarekin. 2016. urtean “Cantables” iritsi zen, beren musika-konposizioei beste artista batzuen letrak eta ahotsak gehituta, besteak beste, Fito Cabrales, Jorge Drexler, Julieta Venegas eta Natalia Lafourcaderenak. 2018an “Melodías de Ultramar” argitaratu zuten.

Gaur egun, “Cantables II” diskoaren grabazioan murgilduta daude, berriz ere letrak eta kantariak batuz beren doinuei. 2016. urtean gauzatu zen sorkuntza-ariketa original hark bigarren zatia izango du “Madame Vodevil”-ek 2021. urtearen hasieran argitaratutako album berri batean.