Getxo Jazz 2021 jaialdiaren barruan.

Kapitainaren taldeak zazpi itsaso musikaletan abesten du, irribarreak eta musika ona zabalduz. Bere abestiak bizitasun eta balioz beteriko dibertigarriak eta adimentsuak dira. Ssormenaren eta denak desberdinak izatearen balioaren alde egiten du topa.

Corchea kapitaina, Jose Luis Gutierrez musikari ospetsuak bere familia ikuskizunetarako erabiltzen duen izena da. Saxofoi-jotzailea, konpositorea, instrumentuen asmatzailea, letrista, poeta, abeslaria, sortzailea eta nazioarteko hainbat jazzaldietako zuzendari artistikoa. Jose Luis Gutierrez nazioarteko musikari original eta harrigarrienetako bat da.

José Luis Gutiérrez (ahotsa, saxofoia, konposizioa eta zuzendaritza) Fernando Su (gitarra eta koruak), Cesar Diez (baxua eta koruak) eta Antolín Olea (bateria eta koruak) izan ditu lagun.