Zenobia talde errioxarra 2002an sortu zen, eta 2004an hasi zen lehen kontzertuak egiten, besteak beste, Obus, Mojinos Escocíos eta Silencio Absoluto taldeekin batera. Beraien abestiak ikusleen artean harrera ezin hobea izan zutenez, grabazio-estudio batean sartu eta diskoa grabatu zuten.

Grendel heavy metal taldea 1996ko uztailean eratu zen. Taldeko kideak beste talde batzuetan ere aritu dira. Bik, adibidez, Mystyca Odissea izeneko proiektuan hartu dute parte.