Gizon apal bat, Pedro Páramo, Comala herriko jauntxo bihurtzera iritsiko da, eta zukutu eta birrindu egingo du leku hura, herri mamu bihurtzeraino. Handik urte batzuetara, hara iritsiko da haren semea, Juan Preciado, eta han bizi izandako zenbait lagunen mamuekin egingo du topo. Hala jakingo du nor izan zen benetan aita, eta nola erabili zituen herrixkako biztanleak, Juanen ama barne. Aitaren historia, Comalako gizonik behinen eta ustelenarena, eta haren semearen historia txandakatzen dira egitura ezin bihurriago batean.

Pablo Derqui eta Vicky Peña dira protagonistak, eta Teatre Romea ekoizlea. Mario Gasek eszenaratu du Pau Miróren egokitzapen hau, XX. mendeko hegoamerikar narratibako lanik funtsezkoenetako batena. Mamuen historia bat, non samurtasuna eta indarkeria elkarrekin baitabiltza, zapalduen gaineko gehiegikeriak eta ustelkeria salatzeko.

• Egilea: Juan Rulfo.
• Zuzendaritza: Mario Gas.
• Dramaturgia: Pau Miró.
• Antzezleak: Pablo Derqui, Vicky Peña.
• Eszenatokiaren diseinua: Sebastià Brosa.
• Soinuaren diseinua: Orestes Gas.
• Jantzien diseinua: Antonio Belart.
• Produkzioa: Teatro Romea, Grec 2020 Festival de Barcelona, Teatro Español.