Fernando Carvalho (Lisboa, 1976), gaur egun Bilbon finkatutako konpositore eta inprobisatzaile portugaldarrak Ableton Live tailerra emango du Azkuna Zentroaren Hotsetan. Musika esperimentaleko programaren barruan. 

Lantegi honetan, artistak soinu-konposizio eta -diseinuko hainbat teknika eta metodo erakutsiko ditu, musika esperimentaleko lanak egiteko erabilitakoak. Bere lan egiteko modu bereziaren azalpena oinarritzat hartuta, gogoeta egingo du erabaki teknikoei eta artistikoei buruz, eta parte-hartzaileei eskatuko die beren auziekin eta bitxikeriekin zuzentzeko. Tailerrak hiru eguneko iraupena izango du, eta, amaitzeko, laborategiaren azken egunean, kontzertuaren prestakuntza teknikoa eta kontzeptuala egingo da.   

Tailerrean Ableton Live softwarea erabiliko da oinarrizko tresna gisa, hainbat tresna elektroniko eta akustikorekin batera, soinu-piezak ekoizteko aukera tekniko guztiak probatzeko.