UPV/EHUko Uda Ikastaroen barruan. 

Polizia- eta krimen-eleberrigintza sasoi onean dagoen generoa da; hainbeste, non gaur egun argitaratzen diren eleberri asko eta asko klabe poliziakoan idatzitakoak dira, nahiz eta berez genero horretakoak ez izan. Ikastaro honetan euskaraz argitaratutako polizia- eta krimen-eleberrigintzaz jardungo dugu, alderdi batzuetatik. Hasteko, generoaren definizioaz, generoaren arrakastaren gakoak eta generoak euskal literatura-sisteman betetzen dituen tokia eta funtzioak izango ditugu aztergai. Bigarrenik, azken hamarkadetan euskaraz argitaratutako polizia eta krimen-nobela eta egile esanguratsuenak aletuko dira (baita gaztelaniaz idatzi eta Euskal Herrian kokatutakoak ere). Azkenik, alderdi didaktikoa, hau da, polizia- eta krimen-eleberriak hezkuntza-sisteman nola erabil daitezkeen aztertuko da, kontuan hartuta gazteak irakurzaletzeko tresna ezin hobea dela, haien artean daukan arrakasta dela eta.

Hizlariak literatura adituak izango dira, UPV/EHUkoak zein kanpoko beste unibertsitatetakoak.

Jarduera nori zuzenduta

• Unibertsitateko ikaslea
• Irakasleak
• Publiko orokorra