• Babes eta higiene neurriak, Arriaga Antzokian
  
  

Aurtengo udan ere, Arriaga Antzokiak musika ikuskizun handia eskainiko die Bilboko ikus-entzuleei. Cruz de Navajas izango da, Mecano taldearen musika omentzen eta aintzatesten duen show-a. Taldearen jarraitzaileek eta ikus-entzule guztiek, Arriagan gozatu ahal izan ditugun Mecano taldeari buruzko beste proposamen eszeniko batzuk gogoratuko dituzte. Cruz de Navajas horiek bezain ikusgarria da, baina planteamendua desberdina du. Dena neurri handian pentsatuta eta diseinatuta dago, xehetasun txikienak ere zainduz, Mecanoren onena inoiz ikusi ez den bezala eskaintzeko, azken teknologia eta interpreteen talentu eta sentsibilitate handia uztartuz. Konbinazio horren ondorioz, musika moldaketa bakoitzarekin, ikuskizunean agertzen diren Mecanoren funtsezko 35 abestiak indartzen dira.

Asko dira kontuan izan beharreko elementuak. Horregatik, ikuskizunak makineria eta giza baliabide handiak ditu, eszenatokiaren atzean eta gainean, gauero show onena eszenaratu ahal izateko. Ekoizpen lan handia da: materialeko 6 trailer, 330 foku, 120 audio kanal, 40.000 watt soinu eta 30 Meyer kaxa.

Cruz de Navajas lanaren puntako teknologiaren adibide bat pantailak dira. Espainiako estatuan lehen aldiz, bereizmen handiko hainbat led pantaila garden erabiliko dira, 100 m2 baino gehiago guztira, estrukturez eta euskarriz osatutako eszenako mekanikarekin batera, eszenatokiko espazioak sortuz eta eraldatuz. Emango diren bideoak, bikainak, beren-beregi egin dira ikuskizunerako.

Musika-tresna anitzekin arituko diren 10 musikarik zuzenean joko dute, eszenografian bertan integratuta, ikus-entzuleen aurrean, kontzertu bat balitz bezala. Eta musika moldaketei ahotsa jartzearen arduradunak moldakortasun handiko 8 abeslari dira. Horien ahotsek nortasuna ematen diote abesti bakoitzari. Eta hori guztia gutxi balitz, 12 profesionalek osatutako dantza taldeak erakargarritasun bisuala ematen dio ikuskizunari. Eta guztiek maila estetiko bikaina erakutsiko dute, musika pieza bakoitzari bizia emateko egin diren 290 jantzi baino gehiagoei esker.

 Sustatzailea eta ekoizlea Gonzalo Pérez da, Cruz de Navajas lanaren ideiaren sortzailea. Espainiako entretenimenduaren industrian erreferentea den pertsonari buruz ari gara, eta azken urteetan hainbat lan arrakastatsu egin ditu; ekoizleetako bat izan zen Billy Elliot, el musical, eta West Side Story edo Priscilla, beste batzuen artean. Orain, Cruz de Navajaslanarekin, ziurrenez orain arte egin duen proiektu handienari ekingo dio.

• Ideiaren sortzailea eta ekoizlea: Gonzalo Pérez
• Zuzendari artistikoa: Sergio Alcover
• Zuzendaritza eta koreografia laguntzailea: Eva Boucherite
• Musika zuzendaria: Isaac Ordoñez
• Eszenografiaren diseinua & Zuzendaritza teknikoa: Eduardo Moreno (Príamo)
• Argiztapenaren diseinua: Pau Fullana
• Soinuaren diseinua: Eloy Sansón
• Soinu ingeniaria: Arsenio Fernández
• Bideo zuzendaritza eta errealizazioa: Joan Rodon y Emilio Valenzuela (Dlux.pro)
• Ilustrazioa: Fernando Monroy
• Animazioa: Pepe Mansuy
• Jantzien diseinua: Arancha Rodríguez y Sofía Nieto (Carmen17)

Interpreteak

Amynata Sow - Abeslaria
Teresa Abarca - Abeslaria
Ondina Maldonado - Abeslaria
Mikel Herzog - Abeslaria
Gera Márquez - Abeslaria
Elena Matateyou - Abeslaria
Austin Guerrero - Abeslaria
Ernesto Santos - Abeslaria

Ana Escrivá - Dantzaria / Abeslaria
Guadalupe Cano - Dantzaria
Axe Peña - Dantzaria
Arantxa Albiach - Dantzaria / Abeslaria
Claudia Silva - Dantzaria / Abeslaria
Andoni García - Dantzaria / Abeslaria
Marisa Pareja - Dantzaria / Abeslaria
Claudia Bravo - Dantzaria / Abeslaria
Agustina Fizona - Dantzaria
Alejandro Matamoros - Dantzaria / Abeslaria
Ender Bonilla - Dantzaria
Juan José Fuentes - Dantzaria / Dance Captain

Pablo José Navarro - Teklista
Gaspar Fernández - Bateria
Yago Salorio - Baxua
Miriam García - Saxoa eta Zeharkako Flauta
Jessica Estévez - Perkusioa, Tronpeta eta Ahotsa
Aitor Antruejo - Gitarra
Carmen Estévez - Perkusioa
Yani López - Gitarra
Yuley Díaz Poey - Pianoa