Getxo Sound delakoaren hasierei lotutako zenbait musikarik osatzen dute Basurita. Talde ospetsuetan ibilitakoak dira guztiak, esaterako El Inquilino Comunista, Cujo, Arana eta Zodiacs bandetan. Orain dela gutxi kaleratu eta zuzenean aurkeztu dute bere bigarren LPa, “El Gran Feliz” (Everlasting Records, 2020). Musika alternatiboa dute ardatz nagusia, gaztelaniazko rock pertsonala eta sailkaezina, aurreiritzirik ez duten arima inkonformistei zuzenduta.