Euskal Herri osoko emakumeek beraien produktuak ikusgai izango dituzte martxoaren 7an, Amorebieta-Etxanoko Udalak Emakumeen Nazioarteko Eguna dela-eta antolatzen duen topaketaren XXIII. Edizioan.

Udaleko Berdintasun Sailak martxoaren 8aren inguruan antolatutako ekintzen barruan dago topaketa hau, eta Euskal Herriko hainbat lekutako ekoizleak bilduko ditu. Emakume hauek beraien artisau produktuak erakutsiko dizkigute: ogia, gozoak, marmeladak, fruta-gozoak barazkiak, zeramika, arropak edo osagarriak, beste batzuen artean.