Izena emateko epea: 2020ko urtarrilaren 13tik otsailaren 7ra.

Gipuzkoako Campuseko errektoreordetzak eta (unea) Unibertsitateko Eszena Arteak Elkarteak batera antolatutako tailerra. Jakin-nahia, bilaketa eta sorkuntza elikatu nahi duen tailerra da hau. Helburu nagusia partehartzaileak mugitzea da, jakin-nahia eragitea modu artistikoetara, gertakarietara eta gai oso zabaletara beste aktore eta antzezte-joku aukerak irekitzeko.

Ariketa pertsonalen bidez, ideiak edo eduki ezberdinak eszena materialean eraldatu ahal izateko tresnak ematen saiatuko gara.

METODOLOGIA:

Partaideak modu jarraian material pertsonala lantzen joan daitezen pentsatuta dago tailer hau.

Horretarako, aldizka, ariketa zehatzak egitea eskatuko zaizue eta ondoren horiek saioetan erabiliko dira. Behaketarekin, poetika pertsonalarekin eta sorkuntza materialaren bilaketarekin zerikusia duten ariketak dira.

Partaide bakoitza oharren blok pertsonal bat osatzen joango da zeina saioetan joko materiala bezala balio izango digun.

Tailerra jendaurreko aurkezpen batekin burutuko da.

Irakaslea: Esperanza López.

1986ean LEGALEÓN-T TEATRO konpainia sortu eta ordu ezkeroztik bertan aktore bezala lan egiten du. 1997. urtetik hona  Oscar Gómez-Matak zuzentzen duen L'ALAKRAN suitzar konpainian aktiboki parte hartzen du.

Aktore moduan beste konpainia nazional eta internazionalekin elkarrekin lan egiten du: ANTZERKIOLA IMAGINARIOA (FTI), L'HOMME DE DOS, eta zuzendari moduan BEHIBI'S eta TRAPU ZAHARRA konpainiekin, AL FRESKITO PRODUCCIONES, CUESTA ARRIBA PRODUCCIONES, la COMPAGNIE DANS LE SENS OPPOSÉ, LE VENT DES SIGNES eta ZARTekin.

Profesionalentzako eta prestakuntzan dauden antzezlarientzako antzerki ikastaroak ematen ditu antzerki zentro ezberdinetan, konpainietan eta eskoletan. Azken urteetan, Toulouseko Conservatoire de Théâtre-ko LABO prestakuntza eta sorkuntza eszenikoko programan parte hartu du. Gaur egun, Suitzan Lausanne-ko Haute École La Manufacture-rako interpretazio ikastaroa prestatzen ari da.