BASABI hainbat mundu artistikotan aritutako 6 musikarik eta dantzari batek osatzen dute. Euren asmoa, purismorik ez duen ikuskizuna eskaintzea da.

Biolina, biola, kontrabaxua, arpa eta txalaparta elkartuz soinu paregabea sortuko da, dantza erritmoari bide emango diona.

Horregatik, Bakun izeneko Basabiren lehenengo ikuskizun honetan, eskaini nahi dutenaren sintesia egiten dute: guztiontzako herri musika.

BAKUN

Ezberdina den eta jakinmina duen publikoari zuzendutako ikuskizuna da Bakun. Gure kulturan propioak diren elementuak erabiliz eta herri musikaz lagunduta, ñabarduraz beteriko hots eta irudi bidaia sortuko dute ikuslearen imaginazioa eragingo duena.