Irailaren 13tik 16ra 34. Getxoko Nazioarteko Folk Jaialdia ospatuko da. Ohi bezala, musika eskaintzan saio nagusiak nabarmendu behar dira.

Irailaren 13an Getxon soilik egingo den "Basque Selfie Live" proiektuaren aurkezpenarekin abiatuko da. Korrontzi taldeak bultzatutako proiektua izen bereko filmaren soinu-banda da eta, horretarako, Iruñeko Hiria Orkestra eta Óscar Ibáñez, Xabier Berasaluze "Leturia" eta Garikoitz Mendizabalekin elkarlanean aritu da eta guztiak jardungo dira Getxoko saioan.

Bigarren egunean, egungo musika-eszenako talde katalan ospetsuaren txanda izango da: Txarango, hain zuzen ere. Jaialdira bere  jai-giroko fusio-musika ekarriko du jende guztia dantzan jartzeko asmoz.

Hilaren 15ean, Eletheria Arvanitaki ariko da, Greziako musikaren ahots handienetariko bat. Azkenik, Fairport Conventionek, folk-rock britaniarraren talde enblematikoak, itxiko du jaialdia.

EGITARAUA

SAIO NAGUSIAK

Irailak 13 (osteguna) - 20.30

• Korrontzi "Basque Selfie" (Euskadi) Sarrera: 12 €

 

Irailak 14 (ostirala) - 20.30

• Txarango + Gonbidatuak (Catalunya) Sarrera: 10 €

 

Irailak 15 (larunbata) - 20.30

• Elefteria Arvanitaki (Grezia). Sarrera: 20 €

 

Irailak 16 (igandea) - 20.30

• Fairport Convention (Erresuma Batua). Sarrera: 15 €

 

ARRATSALDEKO SAIOAK

18:30ean, doan.

Irailak 13 (osteguna)

• Olatz Zugasti
  
  

Irailak 14 (ostirala)

• Manuel Luna
  
  

Irailak 15 (larunbata)

• Lulavai
  
  

Irailak 16 (igandea)

• Ghost Number & His Tipsy Gypsies
  
  

GAUEKO SAIOAK

23:00etan, doan.

Irailak 14 (ostirala)

• Sherpah
  
  

Irailak 15 (larunbata)

• Nogen
  
  

HAURRENTZAKO JARDUERAK

Irailak 15

• Jule (Hortzmuga Teatro) 
  
  

Irailak 16

• Papiroflexia-Tailerra 

SIKAP-Filipinas elkartearen eskutik.

BANDEN DESFILEAK

Ohikoa den legez, Getxoko Folk Jaialdiak kaleko musika bultzatzen du. Hori horrela, Erromoko eta Areetako hirigunea eszenatoki berri bat bilakatuko dira jazoera honetarako kaleko musika banda ezberdinen eskutik. 

 

ELKARTASUN GUNEA

Areetako Geltokia plaza

Irailaren 13tik 16ra
12:00-14:00 / 18.00-22:00

Elkarteen, GKE-en eta Bidezko Merkataritzako postuak. 

Partaideak: Mujeres Tejiendo en red, Mujeres con Voz, UNESCO Etxea, Amnistía Internacional, AEK, Bizitegi, ACNUR, Munduko Medikuak.

 

MUNDUKO ESKULANEN AZOKA

Ibaiondo kalea, Mayor kalea eta Plaza Santa Eugenia

Irailaren 11tik 16ra
12:00-14:00 / 18:00-22:00 (irailaren 11n, arratsaldez soilik)

Herri anitzetako eskulangintza produktuak

 

MUNDUKO TERRAZA 

Plaza Santa Eugenia

Irailaren 13tik 16ra

Irailaren 13an eta 16an: 18:00-22:00

Irailaren 14an eta 15ean: 18:00-01:00

Herri anitzetako gastronomia, Getxoko Etorkinen Plataformaren eskutuik eta Romoko auzokideen partaidetzarekin