María Eugenia Salaverrik zuzentzen eta koordinatzen duen Aurrez Aurre literatura-saioan Xabier Gutiérrez egongo da. Idazleak "Sabor crítico" liburua aurkeztuko du.

Xabier Gutiérrez (Donostia, 1960) sukaldaria, psikologoa eta idazlea da. 1990etik Donostiako Arzak jatetxeko berrikuntza-saila zuzentzen du eta, gainera, aholkua ematen die elikagaien arloko enpresei; lankidea da zenbait hedabidetan, eta eskolak ematen ditu Basque Culinary Center-eko berrikuntzako eta jatetxeak kudeatzeko masterrean.

Sukaldaritzako hamabi liburu eta sukaldaritzako estetikari buruzko bost saiakera argitaratu ditu. Gastronomiako Sari Nazionala eta Best World Cookbook Award sariak irabazi ditu. "El aroma del crimen" (Destino, 2015) eta "El bouquet del miedo" (Destino, 2016) lanak argitaratu ondoren, Gutierrezek agertokiak eta pertsonaiak errepikatu ditu "Sabor crítico" lanean, Vicente Parra azpikomisarioa protagonistatzat duen noir saileko hirugarren emaitzan.

Tokia: Bastida Aretoa