Programa honek, ohiko bikotea ez badira ere, elkartzean euren nortasunen mesedetan aritzen diren bi tresna batzen ditu: organoa eta txistu- danbolina.Hasieran Donostiako Santa Maria Basilikako organo jotzaile izan ziren Mateo Albeniz, Jose Juan eta Jose Antonio Santesteban aita-semeren omenaldi moduko printzak erakusten ditu. Hirurok herri musikari ekarpen mamitsua egin zioten. Haien ondorengoa eta lanaren jarraitzailea da Ana B. García , eliza beraren organo jotzaile titularra.

Jarraian XIX mendearen amaiaretik gure egunetara txistu musikaren erakusketa dator, egileen artean izen handiko musikariak agertzen direlarik. Berezitazun bitxia du ordea, obrak libanotar konpositore-organojole batek, Naji Hakimek, txistuaren ahotsak liluraturik , egokitu ditu bikote egitura honetara.