2017ko Hemengo Antzerkiaren Erakustaldiaren barruan. 

Lady Alcayata bidaiari nekaezina da. Eta Don Pistón haren kopilotu automata eta fidela. Biek elkarrekin bidaiatzen dute globo aerostatiko batean eta hemen lurreratu dira. Bide batez, eta arnasa hartzeko, beren abenturen berri emanen digute, komikoki bezainbeste poetikoki eman ere. Ohian ilun oxidatutik burrunbadun ibarrera, munduan barna.

Azkenik, Metalón maltzurraren etxera iritsiko dira labirinto misteriotsuan zehar. Inspirazio-iturria steampunk-ean eta aro viktoriarrean duen mundu honetan, gure protagonistek misio bat bete behar dute: munduaren beste aldeko automatek lapurtu duten pieza baliotsua berreskuratzea. Lortuko al dute? Familiartean ikustekoa den ikuskizun honetan ordubete dibertigarri inguru pasako dugu. Zuen zain gaude!

• Egilea: Muñekajos taldea.
• Zuzendaria: Mercedes Castaño.
• Iraupena: 60 minutu.
• Adina: Jende orori zuzendua.