Ralph Towner da berritzaile horietako bat musika modernoaren esparruan, eta haren ideiek erabat eutsi diote freskurari, hogeita hamar urtetik gorako ibilbidea egina izan arren.

Publikoaren gehiengoak ezagutzen badu ere Oregon jazz akustikoko talde legendarioko konpositore, gitarrista eta teklatu jotzaile lanetan, Townerrek ibilbide oparoa du bakarlari gisa, eta kolaborazio emankor eta gogoangarriak egin izan ditu aparteko musikariekin: esaterako, Gary Burton, John Abercrombie, Egberto Gismonti, Larry Coryell, Keith Jarrett, Jan Garbarek eta Gary Peacockekin.