Victor Goikoetxea Urretxun jaio zen eta gazte gaztetatik jaso zuen oinarrizko formazioa margolarien gremioan. Ondoren Europako eskola entzutenetsuetan prestatu zen eta sakondu zuen arte sormenaren ezagutzan, arlo horretan erabat murgilduz.

Gaur bere sorlekura itzuli da VICTOR GOIKOETXEA. Mundo mejor erakusketarekin. Berak dioen bezala, "niretzat oso atsegina da erakusketa honekin jaioterrira itzultzea, nire jakituriaren zati bat eta sormenaren eta artearen ikuspegia erakusteko, bertan murgilduta bainago. Nire iritzirako sustraiak oso garrantzitsuak dira bizitzan. Urretxun jaio eta bertan sustraiak dituen zuhaitza naizela uste dut, baina adarrak munduan zehar zabalduta ditut".