2017ko Leioako Umore Azokaren baitan.

BOULEVARD (J4)

• OSTEGUNA 18 > 18:00 / 18:30 / 19:00 / 19:30 / 20:00 / 20:30
• OSTIRALA 19 > 11:00 / 11:30 / 12:00 / 12:30 (schools)
• 13:00 /13:30 / 18:00 / 18:30 / 19:00 / 19:30 / 20:00 / 20:30 / 21:00

Gain behera egindako bi zientzialariren istorioa. Bizitza osoa eman dute batere arrakastarik gabeko esperimentuak egiten. Betidanik amestu dute euren lankideen aintzatespena lortzearekin, eta hartara erabaki dute munduko esperimenturik handiena egitea: bizia itzultzea pertsona bati. Eta, horretarako, zein hobea Felizia baino, munduko magorik onenetako bat?

Zientzialariek, ilusioz beteta, lanari ekin diote, baina zerbait gaizki irten da, eta Feliziak burua galdu du bizia berreskuratu aurretik.

Munduko azti onenetako bati, Pepe Carrolli, esker aurkitu zuen magiaren mundua. Horrek, teknika, umorea eta jakintza nahasiz, arte horri buruzko jakin-mina piztu zion. Tamarizen Madrilgo Magia Eskolan trebatu zen azti profesional gisa. Han, magia egiten ez ezik bere balio guztiak ezagutzen ere ikasi zuen. 21 urte zituela, mundu profesionalerako jauzia egin zuen. Orduz geroztik, zenbait ikuskizun sortu ditu, esate baterako, “La Señorita Lupierre”, “Olé” edo “Instantes imaginarios”.