XIV. Laburbira zirkuitua 8 film labur berezirekindator aurten. Euskarazko film laburren zirkuituak 32 herri bisitatuko ditu aurtengo edizioan; martxoaren 3an Azpeitian hasi eta apirilaren 7an Igorren amaituko da.

Guztira 22 lan jaso zituen antolakuntzak abenduaren 20ra bitarte, eta urtarrilean aukeratu ziren aurten herriz-herri proiektatuko diren 8 film laburrak. 

Antolakuntzak eskertu die sortzaileei beraien lanak bidaliz emandako erantzuna; izan ere, Laburbiraren helburu nagusiak euskarazko film laburrak eta haien egileak ezagutaraztea baita, eta haiekin ikusleei gozaraztea.

Euskaltzaleen Topaguneak, euskarazko ikus-entzunezkoen sortzaileei bultzada emateko, beste hiru egitasmo ere antolatzen ditu: Kameratoia film laburren rallya, Benito Ansola Saria eta Irudienea ikus-entzunezkoen gunea, Durangoko Azokan.

2017ko Laburbiraren “kartelera”:

• Azken Saskia (Oier Fuentes)
  
  
• Beti bezperako koplak (Ageda kopla taldea)
  
  
• Ihesa (Alejandro Díaz Castaño)
  
  
• Elemakarrak (Ibon Iza)
  
  
• Jalgi (Eki Pagoaga)
  
  
• 280º (UDA films)
  
  
• EUSPOT lehiaketako spot onenak
  
  
• Hileta (Kepa Sojo)