Helburu orokorrak

2. HEko gutuna eta iritzia emateko testuak sortzen trebatzea.

Testu-mota horien balorazioa egiteko irizpideak ezagutzea.

Helburu zehatzak

Azterketaren aurkezpena egitea.

IVAPeko proben balorazio irizpideak azaltzea: egokitasuna, koherentzia, kohesioa, aberastasuna, zuzentasuna.

Eredu onak, idazteko estrategiak eta eskemak lantzea.

Egokitasunaren azalpena eta ariketak egitea.

Koherentzia eta kohesioari buruzko azalpenak ematea eta ariketak egitea.

Aberastasunaren gaineko argibide batzuk ematea eta ariketak egitea.

Zuzentasunari buruzko azalpenak ematea: oinarrizkoak diren akats larriak aipatzea, aholkuak ematea.

Konpetentziak

Ikastaroa amaitzen denean ikaslea gai izango da bere lan-esparruko eta hainbat gai ezagunei buruzko testuak sortzen dituenean, protokolo jakin bati jarraitzeko, eta bide horretan behar dituen tresnak identifikatu eta erabiltzeko. Gai izango da, era berean, sortzen ari den testua ebaluatzeko eta, behar izanez gero, hobetzeko.

1. saioa:

B2 mailaren deskribapen orokorra egin.

2. HEren azterketaren egitura azaldu eta bereziki idazmen-probaren idatzien nondik norakoak.

Iritzi-artikulu bat idatzi azken eskola-egunean zuzentzeko.

Galderak egin: nola ibili diren denboraz azterketa egitean, eskemarik egin duten, idazlan luzea egitean eskemaren garrantzia azpimarratu.

2. saioa:

IVAPeko proben balorazio irizpideak: egokitasuna, koherentzia, kohesioa, aberastasuna, zuzentasuna.

Idazteko prozesua azaldu: eredu onak idazteko estrategiak.

Iritzi-artikuluaren zirriborroa nola egin azaldu eta ariketak egin.

Etxerako: gaia eman eta horren gaineko iritzi-artikulua idazteko zirriborroa egin.

3. saioa:

Etxean egindako eskema partekatu, komentatu, hobetu eta zuzendu denon artean.

Egokitasunaren azalpena eta ariketak egin.

Koherentzia eta kohesioari buruzko azalpenak eman eta ariketak egin.

4. saioa:

Gutuna: gutuna eta ofizioaren arteko desberdintasunez ohartarazi, gutunen osagaiak eta ezaugarriak azaldu eta ariketen bidez landu: zirriborroa, agurrak, erregistroa, estilo-aholkuak etab.

Aberastasunari buruzko azalpenak eman eta ariketak egin.

Etxerako: gutun-eredu desegoki bat eman eta zuzendu.

5. saioa:

Etxean zuzendutako gutuna, guztion artean komentatu edota zuzendu.

Zuzentasunean baloratzen denaren berri eman eta ariketen bidez landu.

Aprobetxamendu-proba.

Etxerako: lehen eskola egunean egindako norbere iritzi-artikulua zuzendu.

6. saioa:

Lehen eskola egunean egindako idazmen-probaren irakaslearen zuzenketa eman, eurek egindakoarekin erkatzeko.

Azken gomendioak eta birpasa ariketak.

Balorazioa.

Metodologia

Arlo praktikoari emango zaio lehentasuna.

Talde txikietan lan egiten saiatuko gara.

Ebaluazioa

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.
Ebaluaketak jaso beharko du: saioetan eskatuko diren ariketak neurtu eta baloratuko dira.

Aprobetxamendua

% 80ko bertaratzea eta eskoletan proposatzen diren ariketak egin izana.

Ikastaroaren balorazioa

Ikasleek astebetetze inkesta beteko dute.

Irakasleek balorazio inkesta osatuko dute.

Baldintzak

Beharrezkoa da posta elektronikoko kontu korporatibo bat izatea ikastaroa egingo duen pertsona identifikatzeko.

Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan, IVAPekiko izapideak / Ziurtatzeak atalean sartuta.