EJIE gara
Gure asmoa
Euskadiko sektore publikoaren digitalizazioa bultzatzea eta haren IKT azpiegituraren jarraipena bermatzea.
Gure misioa
Eusko Jaurlaritzaren kudeaketa-organo teknologikoa izatea, zerbitzu publikoen eraldaketa digitala errazten duena, informazioaren eta komunikazioaren teknologiak eraginkortasunez eta modu iraunkorrean kudeatuz eta horien euskarri diren zerbitzuen kalitatea, segurtasuna eta jarraitutasuna bermatuz.
Gure ikuspuntua
Euskadiko Sektore Publikoaren digitalizazio osoa lortzen laguntzea, zerbitzu errazak, seguruak, eraginkorrak, inklusiboak eta herritar guztientzat eskuragarriak eskain ditzan.
Ardatz estrategikoak
- ESTRATEGIA: Epe luzerako ikuspegia sortzea eta interes-taldeei erantzuteko, aukerak aprobetxatzeko, arriskuak minimizatzeko eta emaitza egokiak modu jasangarri eta orekatuan lortzeko beharrezkoak diren sistematikak eta ekimenak hedatzea.
- BEZEROAK: Euskal Sektore Publikoak herritarrei eskaintzen dizkien zerbitzuen digitalizazioa erraztea, zerbitzu horien euskarri diren IKTen kalitatea, segurtasuna eta jarraitutasuna bermatuz, eta emaitza egokiak lortzea gure zerbitzuen bezero diren erakundeei eta erabiltzaileei dagokienez.
- PERTSONAK: Giza talde gaitua eta erakundearen estrategiarekin konprometitua mantentzea, zerbitzuak eraginkortasunez emateko, lan-baldintza aurreratuekin, eta emaitza egokiak lortzea erakundeko pertsonei dagokienez.
- GIZARTEA: Gure ingurune soziala hobetzea, gure erakundearen potentziala aprobetxatuz. Gure ingurumen-inpaktua minimizatzeko erabilitako baliabideak eraginkortasunez kudeatzea, eta emaitza egokiak lortzea gure ingurune sozialari eta ingurumen-alderdiei dagokienez.
- BERRIKUNTZA: Gure prozesuak eta zerbitzuak etengabe berritzea eta hobetzea, sektore publikoaren abangoardian mantentzeko eta erakundearen berrikuntzari dagokionez emaitza egokiak lortzeko.