Arautegia
InprimatuEBAZPENA, 2026ko uztailaren 21ekoa, Portu, Itsas Gai eta Itsasertzaren zuzendariarena, Donostiako portuko ur-laminaren erabilerari buruzkoa.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Elikadura, Landa Garapen, Nekazaritza eta Arrantza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 151
- Hurrenkera-zk.: 3561
- Xedapen-zk.: ---
- Xedapen-data: 2026/07/21
- Argitaratze-data: 2026/08/11
Gaikako eremua
- Gaia: Administrazioaren antolamendua; Garraio eta herri lanak
- Azpigaia: EAEko udalak
Testu legala
Donostiako portuko ur-lamina bainatzeko eremu gisa erabiltzeak pertsonen segurtasunerako dakarren arrisku nabarmena kontuan hartuta, Euskal Autonomia Erkidegoko Portuen eta Itsas Garraioaren ekainaren 28ko 2/2018 Legean araututako portu-jarduerekin bateraezina, eta Elikadura, Landa Garapen, Nekazaritza eta Arrantza Sailaren egitura organikoa eta funtzionala ezartzen duen abenduaren 11ko 438/2024 Dekretuak ematen dizkidan ahalmenak aplikatuz, honako hau,
Lehenengoa. Donostiako portuko ur-lamina Euskal Autonomia Erkidegoko Portuen eta Itsas Garraioaren ekainaren 28ko 2/2018 Legean aurreikusitako portu-jarduerak egiteko baino ezin izango da erabili. Ondorioz, debekatuta dago portu horretako ur-lamina osoan bainatzea.
Bigarrena. Ebazpen honetan jasotako debekua dagokion seinaleztapenaren bidez adieraziko da eraginpeko eremuan.
Hirugarrena. Ebazpen honetan aurreikusitakoa ez betetzea arau-haustetzat hartuko da, Euskal Autonomia Erkidegoko Portuen eta Itsas Garraioaren ekainaren 28ko 2/2018 Legearen 63. artikuluan eta hurrengoetan xedatutakoaren arabera, eta arau horretan aurreikusitako zehapenak ezartzea ekar dezake.
Laugarrena. Ebazpen hau Donostiako Udalari, Euskadiko Kirol Portuak erakundeari eta dagokion ertzain-etxeari jakinaraziko zaie, eta Euskal Herriko Agintaritzaren Aldizkarian argitaratuko da.
Vitoria-Gasteiz, 2026ko uztailaren 21a.
Portuen, Itsas Gaien eta Itsasertzaren zuzendaria,
KOLDOBIKA GOITIA MARKUERKIAGA.